Predsjednik Barselone Žozep Maria Bartomeu jasno se oglasio povodom glasina da ponovo pokušavaju dovesti Nejmara u svoj tim. Nejmar je napustio Barselonu prošle godine za cifru o kojoj se i danas govori. U redove PSŽ-a je Brazilac prešao za legendarnih 222 miliona eura.
Špekuliše se o navodnoj želji PSŽ-a da proda Nejmara i o tome da će njegova nova destinacija biti upravo Barselona, ali je Bartomeu demantovao takve izjave.
–Nejmar nas je napustio i nije nam u planu da ga vraćamo. Inače, nemamo namjeru dovoditi pojačanja u januaru osim ako se do tada nešto bitno ne promijeni. – rekao je predsjednik Barselone.
Dok je igrao za Barsu, Nejmar je ubacio 105 golova na 186 utakmica.
