Menadžer Mančester Junajteda Žoze Murinjo izjavio je kako je Liverul imao dosta sreće ove sezone
Liverpul danas od 17 sati na Enfildu traži pobjedu kojom će se vratiti na vrh Premier lige, dok s druge strane Mančester želi da izbjegne poraz i da pokuša možda pobjedom da se vrati u trku za prva četiri mjesta.
“Liverpul je vrlo uvjeren u sebe”, rekao je Murinjo novinarima, pa je nastavio:
“Oni su na vrhu lige, imaju taj osjećaj – i znam da se osjećaju dobro – osjećaj ‘sretnika’, gdje sve ide u vašem smjeru. Znaju kako su pobijedili Everton, znaju i da su jedva izbjegli eliminaciju od Napolija u Ligi šampiona. Imaju takav osjećam koji sam i sam imao. Jednostavno, tada vam sve ide od ruke, uvjereni ste u sebe, stvari se odvijaju onako kako i želite“, poručio je Murinjo.
“Mislim da je Liverpul očito vrlo, vrlo siguran, ali mislim da nisu glupi. Oni također znaju da je utakmica s nama teška. U Liverpulu znaju za naše mane i vrline, mislim da će nas poštovati. Ako žele biti prvaci, potreban im je svaki bod i moraju da budu profesionalni, a profesionalci poštuju Junajted. Znaju da možemo da odemo tamo i pobijedimo“, ispalio je Žoze na kraju.
