Švicarski teniser Sten Vavrinka odlučio se za opciju da umjesto US Opena odigra dva Čelendžer turnira u Pragu.
Prvi od dva turnira počinje 17. augusta, a Vavrinka pred povratak na teren kaže sljedeće:
“Privilegija je ponovo biti na terenu i raditi ono što volimo. Radujem se povratku u divni Prag poslije toliko godina“.
Na terenu ga nije bilo pet mjeseci, ali sudeći prema njegovim riječima spreman je.
“Radio sam naporno i dobro trenirao prethodnih nekoliko nedelja, a sada jedva čekam mečeve“, kaže on.
Inače, na turniru u Pragu će osim Vavrinke učestvovati još 20 igrača iz TOP 150. Vavrinka je posljednji Čelendžer odigrao još prije 10 godina i to u Luganu gdje je i osvojio titulu.
Osim njega, na US Openu neće biti ni Rafaela Nadala te Rodžera Federera.
