Fudbaleri Partizana će u novoj sezoni igrati u novim dresovima čiji dizajn je predstavljen na zvaničnom YouTube kanalu kluba, a premijerno će biti nošen na utakmici kvalifikacija za Ligu konferencija protiv Dunajske strede koji se igra sutra (četvrtak) od 21:00h, na stadionu Partizana.
Ovo je prvi redizajn dresova parnog valjka poslije tri sezone.
Novi dizajn je urađen specijalno za Partizan, dakle ne radi se o kataloškoj varijanti kao što je obično slučaj sa dresovima naših klubova, pa i reprezentacije.
Prva garnitura je bijeli dres sa crnim rukavima i tankim crnim linijama i tradicionalnom kragnom. A “Maneken” je bio mladi napadač crno-bijelih Nemanja Jović, koji se odlično snašao u novoj ulozi.
