U toku utakmice u Amjenu koja se igrala između Amjena i Lila srušila se bezbjednosna barijera između terena i gledališta, a više desetina navijača je povrijeđeno.
Prema javljanju francuskih medija 18 njih je povrijeđeno, od čega trojica teže.
Incident se dogodio u 16. minutu utakmice, kada se srušila barijera koja se nalazila ispred dijela sa navijačima iz Lila, a na stadionu Likorn nastala je panika, navodi francuska televizija BFM. Barijera je pala pod težinom navijača, koji su se spustili do dna tribine kada je njihov tim postigao gol.
Većina navijača koji su pali na travnjak uspijela je da se vrati u gledalište, ali su neki ostali da leže, a kako navodi globalna mreža sportskih kanala BeIN Sports povrijeđeni su iznijeti sa stadiona.
