Novak Đoković, najbolji teniser svih vremena, saznao je ime prvog protivnika na Australijan openu – to je mladi Hrvat Dino Pržimić. Pržimić se plasirao u glavni žrijeb prvog Gren slem turnira u sezoni pobjedom nad Azizom Dugazom sa 6:3, 6:4. Pržimić je prethodno savladao Marijana Navonea i Duja Ajdukovića i sa 18 godina je ostvario najveći uspjeh u karijeri jer je dosad imao samo tri ATP pobjede.
Momak iz Splita je aktuelni šampion juniorskog Rolan Garosa i osvajač pet čelendžer titula. Naravno, Đoković i Pržimić se nikada dosad nisu sastali na terenu, a prvu priliku za to će imati u nedjelju.
