SEVILJA – Samo jednu sezonu argentinski kreator igre proveo je u Interu i odlučio da se vrati u Španiju.
Evar Banega ponovo će obući dres Sevilje sa kojom je potpisao trogodišnji ugovor. Sezonu u Italiji neće pamtiti po dobrom pošto je bio starter na samo 20 od 28 utakmica koliko je odigrao za “neroazure” mada je postigao šest golova i osam puta asistirao za pogodak.
– Vraćam se kući gdje sam proveo najbolje sezone u karijeri. Uvijek sam bio u kontaktu sa momcima, ostao sam sa svima u dobrim odnosima, pa su mi širom otvorili vrata – rekao je Banega.
Ponikao je u Boki Juniors, igrao za Valensiju šest godina, jedno vrijeme boravio u Atletiko Madridu i Njuels Old Bojsima. Nastupio je na 55 utakmica u reprezentaciji i postigao četiri gola. U međuvremenu, Andalužani su prodali kapitena Vinsentea Iboru engleskom Lester Sitiju za oko 12 miliona evra.
