Srpski centar Nikola Jokić odigrao je još jednu fantastičnu partiju. Denver poslije sedam utakmica ima tri pobjede i četiri poraza. Denver Nagetsi ponovo su savladali Minesota Timbervulvse rezultatom 123:116 i Jokić je bio najbolji na utakmici.
Postigao je 35 poena (11/19 za dva, 1/1 za tri, 10/12 slobodna bacanja) i upisao 15 skokova i šest asistencija. Imao je i tri ukradene lopte i blokadu. I pored “samo” šest asistencija na ovoj utakmici, Jokić ostaje najbolji asistent lige, dok je prvi put ove sezone stigao do 20+ poena. Srpski centar je svašta radio na meču protiv Minesote i čak je i dva puta zakucao, što rijetko radi.
Zbog jednog zakucavanja je zaradio i tehničku grešku. Nikola Jokić bilježi u prosjeku 24,1 poena, 11,7 skokova i 11,9 asistencija, poslije sedam odigranih utakmica. Iz igre šutira 61%, za tri poena 47,4% i sa linije za slobodna bacanja 82,2%. Denver je dobro otvorio utakmicu i imao +12 poslije prve četvrtine, a onda je došla ta kobna druga dionica.
Iako su uspjeli da dođu i do +18, Minesota je u serijama uspjela da preokrene i da ode na poluvrijeme sa +3. Održavala je Minesota konstantno prednost kroz treću četvrtinu i imali su +6, sve dok Jokić u završnici nije dao trojku i ponovo smanjio zaostatak na minus tri, pred posljednjih 12 minuta. Timbervulvsi mini-serijom 4:0 otvaraju posljednju četvrtinu i dolaze do +7, ali onda je uslijedila serija Denvera od čak 15:0 i poslije takvog preokreta sve je bilo jasno.
Rutinski su Nagetsi održali prednost i došli do pobjede.
NBA rezultati, utorak na srijedu:
Nets – Džez 130:96
Grizlis – Lejkers 92:94
Nagets – Timbervulvs 123:116
Klipers – Spars 113:116
TrejlBlejzers – Buls 108:111
