Tim Lebrona Džejmsa pobjedio je prošle noći u Šarlotu ekipu Janisa Adetokumba sa 178:164 u 68. Ol-star meču NBA lige.
Ekipa “Lebron” je u prvom poluvremenu imala zaostatak od 20 poena, ali je u nastavku preokrenula rezultat i slavila zahvaljujući odličnom šutu za tri poena.
Za najkorisnijeg igrača utakmice proglašen je Kevin Durent koji je ubacio 31 poen i upisao sedam skokova i po dvije asistencije i blokade za pobjednički tim. Ovo je drugi put da je Durent ponio titulu MVP-a na Ol-star meču.
U timu “Lebron” istakao se i Klej Tompson sa 20 poena, dok su kapiten Džejms i Kavaj Lenard ubacili po 19.
U poraženom timu najbolji je bio kapiten Janis Adetokumbo koji je meč završio sa 38 postignutih poena, 11 skokova i pet asistencija. Pol Džordž i Kris Midlton su dodali po 20, a Stef Kari i Rasel Vestbruk po 17 poena.
Srpski košarkaš i igrač Denvera Nikola Jokić je na svom premijernom nastupu na Ol-staru igrao 13 minuta i za to vrijeme je upisao šest poena i devet skokova.
