Rasel Vestbruk oborio je rekord po broju ostvarenih tripl-dablova u istoriji NBA lige, a Nikola Jokić ih ima duplo manje. Vestbruk je 182. tripl-dablom prestigao Oskara Robertsona na vječnoj listi i upisao se zlatnim slovima u istoriju NBA lige.
Mnogi se pitaju – da li Vestbrukovi tripl-dablovi donose pobjede njegovoj ekipi. Vestbrukova ekipa je pobijedila u 136 utakmica kada je ostvario tripl-dabl i izgubila u 46, što je 74,7% uspješnosti. Nikola Jokić ima bolji procenat pobjeda – od 56 tripl-dablova, njegova ekipa ostvarila je 45 pobjeda i 11 poraza, što je 80,3% uspješnosti.
Ubjedljivo najbolji procenat uspješnosti ima Drejmond Grin. On je ostvario 30 tripl-dablova u karijeri i njegova ekipa slavila je na 29 mečeva, što je fenomenalno. To je 96,6% uspješnosti. Poslije njega idu Džeri Vest sa 15-1 (93,7%), Tom Gola (18-2) i Pau Gasol i Mutombo sa 9-1, što je 90%, Havliček sa 26-3 (89,6%), Kajl Lauri 16-2 (88,9%), Vilt Čemberlen 69-9 (88,4%), Volt Frejžer 20-3 (86,96%), Hakim Olajdžuvon 12-2 (85,7%)…
Najlošiji procenat ima Elfrid Pejton, sa 6 pobjeda i 11 poraza (35,29%), pa Geri Pejton sa sedam pobjeda i osam poraza (46,67%) i njih dvojica su jedini ispod 50%. Blejk Grifin je na 50% (5-5), Domantas Sabonis na 53,8% (7-6), dok je Luka Dončić na 60% (21-14).
