Strasti u Barseloni se ne smiriju, a sada se pojavila udarna vijest.
Ona glasi – Lionel Mesi napušta Barselonu poslije 20 godina. Svjetski mediji pišu kako je Argentinac od čelnika kluba zatražio da napusti ekipu sa “Nou Kampa”.
Svi se vode informacijom poznatog insajdera Marsela Bečlera. Navodi se da je katastrofa protiv Bajerna bila glavni okidač kada je u pitanju odluka da Mesi ode iz Barselone.
“Futmerkato” pa zatim i drugi prenijeli su informacije Bečlera o bombi koja nas čeka, Mesi je navodno već razgovarao sa čelnim ljudima katalonskog kluba i rekao da ne želi da ostane u Barseloni. Trenutni rezultati i neizvjesna budućnost kluba su ga natjerali na to.
Još uvijek nije poznato gdje bi argentinski fudbalski čarobnjak mogao da nastavi karijeru. Pominjao se Mančester Siti, pričalo se i o Interu, ali da sačekamo.
Mesi je dijete Barselone i sve je dao tom klubu. On je u Kataloniju stigao još 2001. iz Njuelsa kao 14-godišnjak, a već tri godine kasnije je odigrao prvu utakmicu za Barselonu C. Godinu dana kasnije debitovao je u Barseloni B, a za prvi tim isto 2004. Do sada je u dresu katalonskog giganta odigrao 485 utakmica i postigao čak 444 golova.
